Plantun de Prouvènço

Pèr coumpara dos planto d'encò nostre

Barbarea vulgaris & Centaurium pulchellum

Erbo-de-santo-Barbo

Barbarea vulgaris

Brassicaceae

Àutri noum : Gras-cap, Gras-capou, Creissoun-de-jardin, Creissoun-de-terro.

Noms en français : Barbarée commune, Herbe aux charpentiers.

Descripcioun :
La mai coumuno de nòstis erbo-de-santo-barbo. Trachis en ribo d'aigo o dins li prado proun umido. Li fueio d'en aut soun pas divisado au contro de li d'en bas. Lou darrié tros di fueio basalo èi quàsi redoun.

Usanço :
Li jòuini fueio se manjon en ensalado. Pamens se fau mesfissa, coume pèr lou creissoun, de l'endervo (douvo dóu fege). Pèr èstre segur li fau faire couire.

Port : Grando erbo
Taio : 20 à 80(100) cm
Fueio : alterno
Tipe bioulougico : Emicriptoufite
Cicle bioulougico :

Gènre : Barbarea
Famiho : Brassicaceae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Ribiero - Prado umido
Estànci : Mesoumediterran à Mountagnard
Couroulougi : Pancaro entresigna
Ref. sc. : Barbarea vulgaris R.Br., 1812

Centaurèio(-poulideto)

Centaurium pulchellum

Gentianaceae

Nom en français : Petite-centaurée délicate.

Descripcioun :
Aquelo centaurèio pulèu pichoto (3-20 cm) trachis en ribo de ribiero e dins li prado umido. Es uno planto de l'an que fai pas uno grosso rouseto de fueio. Pèr la destria de Centaurium tenuiflorum, fau counta lou noumbre d'entre-nous que i'a de la baso i proumièri flour. Aqui n'i'a, à pau près, entre 1 à 5, e mai de 5 encò Centaurium tenuiflorum. E peréu li pecout di flour podon èstre eici bèn mai long (fin qu'à 12 mm -fotò-). Coumpara emé la Centaurèio-di-pichòti-flour.

Usanço :
Sèmblo qu'a li mémi usanço que l'erbo-di-fèbre.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Centaurium
Famiho : Gentianaceae

Ordre : Gentianales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun

Liò : Prado umido - Ribiero
Estànci : Termoumediterran à Mesoumediterran
Couroulougi : Pancaro entresigna
Ref. sc. : Centaurium pulchellum (Sw.) Druce, 1898

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Barbarea vulgaris & Centaurium pulchellum

ges

Coumpara Erbo-de-santo-Barbo emé uno autro planto

Coumpara Centaurèio(-poulideto) emé uno autro planto